Táningur handtekinn fyrir að dansa macarena

Fjórtán ára táningspiltur hefur verið handtekinn í Sádí-Arabíu eftir að myndband af honum að dansa macarena-dansinn fór á flug á samfélagsmiðlum. BBC greinir frá.

Talið er að myndbandið hafi verið tekið upp á síðasta ári í borginni Jeddah. Þar má sjá piltinn taka danssporinn á fjölfarinni umferðargötu í borginni.

Táningurinn er í haldi lögreglu þar sem hann er sakaður um að hafa sýnt af sér óviðeigandi hegðun á almannafæri. Ekki er vitað hvort að hann verður ákærður. Þá er þjóðerni piltsins einnig á huldu.

Macarena-dansinn varð gríðarlega vinsæll á tíunda áratug síðustu aldar eftir að samnefnt lag kom út. Myndbandið sem um ræðir má sjá hér að neðan.

Jeddah boy dancing in the middle of Tahlia Street is the hero we need pic.twitter.com/fui9v2UuDF

— Ahmed Al Omran (@ahmed) August 19, 2017