Sprengjugabb í Brighton

Ráðstefnugestum í Brighton Centre ráðstefnumiðstöðinni og gestum hins nærliggjandi Grand Hotel Brighton var gert að yfirgefa svæðið vegna mögulegrar sprengjuógnar fyrr í kvöld. Frá þessu er greint í frétt Guardian.

Starfsmanni á hótelinu barst símtal frá manni sem vildi ekki láta nafn síns getið en sá varaði við því að búið væri að koma fyrir sprengju á svæðinu. Þetta kemur fram í máli Lögreglunnar í Sussex.

Stjórn hótelsins ákvað í samráði við lögregluyfirvöld að rýma bygginguna. Sprengjuleitasérfræðingar hersins voru í kjölfarið kallaðir til við leitina að mögulegri sprengju.

Eftir fimm klukkustundaleit komst lögreglan að þeirri niðurstöðu að sprengjuhótunin hafi verið gabb.

Hótelið veit að sjávarsíðunni í Brighton og stendur við King‘s Road. Lögreglan hafði girt svæðið af og lokað götunni.

Police cordon round the back of the Brighton Centre because of the bomb threat to the Grand Hotel @jowadsworth pic.twitter.com/h0pDgyk36w

— Siobhan Scott (@siobhanlismore) September 10, 2017