Grindavík í úrslit eftir sigur á HK

Færeyingurinn Rene Joensen tryggði Grindavík sæti í úrslitum Fótbolta.net mótsins í kvöld.

Grindavík mætti HK í kvöld, en liðin voru í tveimur efstu sætum riðils 2 í A deild mótsins og ljóst að sigurvegarinn færi í úrslitin. HK duggði þó jafntefli til þess að sigra riðilinn.

Joensen kom Grindvíkingum á bragðið strax á 12. mínútu og hann var aftur á ferðinni eftir klukkutíma leik.

Ásgeir Marteinsson náði að minnka muninn og gera loka mínútur leiksins spennandi, en Grindvíkingar héldu forystu sinni út leikinn og leika til úrslita.

Það ræðst svo á morgun hvort það er Stjarnan eða ÍA sem mætir Grindvíkingum í úrslitunum.

Upplýsingar um markaskorara og úrslit eru fengnar frá fotbolti.net.