Elsa Guðrún þrefaldur Íslandsmeistari

Elsa Guðrún Jónsdóttir kom, sá og sigraði á Skíðamóti Íslands sem fram fer í Bláfjöllum um helgina. Ólympíufarinn sigraði allar einstaklingsgöngurnar á mótinu.

Elsa Guðrún kom fyrst í mark í 10km göngu með frjálsri aðferð sem lauk nú rétt eftir hádegið. Áður hafði hún sigrað 5km sprettgöngu með hefbundinni aðferð á föstudag og 1,5 km sprettgöngu á fimmtudag.

Hún er því þrefaldur Íslandsmeistari í skíðagöngu.

Snorri Einarsson sigraði í 15km göngu karla í dag. Hann vann einnig sprettgönguna í gær en Isak Stianson Pedersen vann keppnina á fimmtudag.