Snæfríður Sól tvíbætti Íslandsmetið

Sundkonan Snæfríður Sól Jórunnardóttir tvíbætti Íslandsmetið í 200 metra skriðsundi í dag.

Snæfríður varð önnur í 200 metra skriðsundi á danska meistaramótinu í sundi á nýju Íslandsmeti, 2:01,82 mínútum. Hún bætti þar með Íslandsmetið sem hún hafði sjálf sett fyrr í dag.

Í undanrásunum í morgun synti Snæfríður á 2:02,08 mínútum og bætti Íslandsmetið sem hafði staðið frá 2013. Það átti Eygló Ósk Gústafsdóttir og var 2:02,44.

Snæfríður, sem er fædd árið 2000, náði með árangri sínum á mótinu tveimur A-lágmörkum og einu B-lágmarki á Ólympíuleika ungmenna, YOG, sem fara fram í Buenos Aires í Argentínu í október.