Körfuboltakvöld: „Brynjar kann ekki að tapa leikjum“

Domino’s Körfuboltakvöld var á sínum á föstudagskvöldið en þar var gerð upp síðasta umferð í bæði Dominos-deild karla og kvenna.

Urald King og Brynjar Þór Björnsson gengu í raðir Tindastóls í sumar og Stólarnir hafa byrjað af krafti. Þeir hafa enn ekki tapað leik og eru að spila vel.

„Alveg pottþétt. Hann er alveg með veikleika en hann vinnur það upp annar staðar og gott betur en það,“ sagði Teitur Örlygsson.

„Munurinn á King núna og í fyrra, með fullri virðingu fyrir Val, þá er hann bara að spila með betri og klárari leikmönnum sem finna hann. Hann nýtist miklu betur í sóknarleiknum,“ sagði Hermann og bætti við um Brynjar Þór Björnsson:

„Brynjar kann ekki að tapa leikjum. Að fá Brynjar og Urald King ásamt Danero Thomas er ansi þéttur pakki sem þeir fá til sín.“

Allt innslagið má sjá hér fyrir ofan.