Stjörnuspá Siggu Kling – Meyjan: Ert eins og Rubik's teningur

Elsku Meyjan mín, lífið hjá þér er búið að vera svona svarthvítt, stundum eins og allt sé að gerast, svo eftir augnablik, núllpunktur. Þetta er eðlilegt því þú ert búin að vera eins að keppa í skíðum á stórmóti og þú ert búin að vera á hættulegu svigi.

Misstu ekki sjónar á því hver þú ert og hvað þú vilt og farðu yfir tímalínuna þína eða lífið þitt og skoðaðu hvenær og hvar þér leið best. Þú þarft nefnilega að fara „back to basics“ og endurnýja grundvallaratriðin því þú átt það til að vera að keppa í einhverju sem þú hefur í raun engan áhuga á, getur verið skóli, vinna eða samband.

Þú átt þínar mögnuðu duldu hliðar og þegar maður er svo heppinn að kynnast þér er eins og maður sjái alltaf betur og betur hversu merkileg manneskja þú ert. Það sem þú ert svo stórkostleg í er að aðlaga þig að erfiðum hlutum og allskonar fólki. Það er mjög trúlegt að vinir þínir séu ólíkir og fólk mun átta sig á að þú ert eins og Rubik‘s teningur með margar ólíkar og litríkar hliðar; sífellt að koma á óvart, ekki neitt, nema þú viljir dagsljósið skíni á það.

Þú ert öflug persóna og hefur máttinn til að geta gert hvar sem er, láttu allt drama eiga sig, stígðu eitt skref í einu og vandaðu þig í ástamálunum. Þetta er rosalega sterkt tímabil og þú þarft að stjórna örlögum þínum, því þú getur bæði magnað upp hið góða og slæma því þú ert magnari örlaganna.

Knús og kossar, þín Sigga Kling

Frægar Meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður, Selma Ragnars, fatahönnuður Íslands, Lalli Johns góðkunningi lögreglunnar, Sema Erla Serdar, baráttukona, Eydís Ósk hjúkrunarkona, Raggi Bjarna.