Spennandi tímar framundan hjá piparsveininum umdeilda og unnustunni

Þættirnir The Bachelor njóta sífellt meiri vinsælda um heim allan og sérstaklega í Bandaríkjunum.

Í byrjun ársins kláraðist 22. þáttaröðin og gaf þá Arie Luyendyk Jr. út síðustu rósina.

Arie valdi til að byrja með Becca Kufrin en skipti síðan um skoðun og endaði á því að biðja Lauren B um að giftast sér. Lauren Burnham hafnaði í raun í öðru sæti í þáttunum en stóð uppi sem sigurvegari að lokum og með kallinn sér við hlið.

Arie varð í kjölfarið umdeildasti piparsveinninn í sögu þáttanna en núna greinir Us Weekly frá því að Lauren Burnham sé ólétt og á parið von á sínu fyrsta barni en hér má lesa umfjöllun vefsíðunnar um parið.