Búið að bera kennsl á alla sem fórust

Atli Ísleifsson skrifar 4. janúar 2019 08:24

Auk þeirra átta sem fórust slösuðust sextán í slysinu. EPA

Lögregla á Fjóni í Danmörku segir að tekist hafi að bera kennsl á alla þá átta sem létu lífið í lestarslysinu á Stórabeltis-brúnni á miðvikudag. Um var að ræða fimm konur og þrjá karlmenn og voru þau á aldrinum 27 til sextíu ára.

Slysið varð þegar mikið óveður gekk yfir á Norðurlöndum sem varð til þess að hluti af þaki flutningalestar rifnaði af og skall á hraðlest þegar þær mættust á neðri hluta brúarinnar um klukkan 7:30 að staðartíma. Auk þeirra átta sem fórust slösuðust sextán í slysinu.

Alls voru 131 farþegi um borð í lestinni og þrír starfsmenn. Þeir sem létust voru allir farþegar.

Flutningalestin flutti bjór fyrir Carlsberg-ölgerðina, en farþegalestin var á leið frá Óðinsvéum til Kaupmannahafnar.

Danmörk Norðurlönd

Tengdar fréttir

Sex farþegar látnir í lestarslysinu á Stórabeltisbrúnni

Brak úr flutningalest er sagt hafa skollið á farþegalest með þeim afleiðingum að minnsta kosti sex fórust.

2. janúar 2019 09:17

Tómur tengivagn talinn orsök lestarslyssins

Svo virðist sem að tengivagn fyrir flutningabíl hafi fokið af flutningalestinni og rekist á farþegalestina á Stórabeltisbrúnni í morgun.

2. janúar 2019 12:47

Danska þjóðin harmi slegin eftir mannskætt lestarslys

Sex eru látnir og sextán slasaðir eftir alvarlegt lestarslys á Stórabeltisbrúnni í Danmörku í gær. Líklegt að stormviðri hafi valdið slysinu þegar farþegalest og flutningalest full af bjór mættust á brúnni á áttunda tímanum í gærmorgun. Danadrottning vottar aðstandendum samúð sín. Íslensk kona um borð slapp ómeidd.

3. janúar 2019 06:30