Máttu ekki segja nei við neinu í heilan sólarhring

Ethan og Grayson Dolan eru tvíburar sem vöktu fyrst athygli árið 2013 á samfélagsmiðlinum Vine.

Nú hafa þeir fært sig yfir á YouTube og eiga þeir vinsælasta myndbandið þar um þessar mundir.

Þegar þessi grein er skrifuð hefur verið horft á myndbandið yfir fjórum milljón sinnum og það kom út í gær.

Ástæðan fyrir vinsældum þess er að það er nokkuð skemmtilegt. Í heilan sólarhring máttu þeir aldrei segja nei við neinu sem bróðir þeirra bað þá um að gera.

Þetta var allt saman tekið upp og útkomuna má sjá hér að neðan.