Origo greiðir hluthöfum milljarð í arð

Samþykkt var á aðalfundi upplýsingatæknifélagsins Origo að greiða hluthöfum arð upp á um það bil einn milljarð króna fyrir árið 2018. Sú upphæð nemur 2,205 krónum á hvern hlut.

Þá var einnig samþykkt að lækka hlutafé félagsins úr 465.303.309 krónur að nafnvirði í 459.600.000 að nafnverði og að eigin hlutir félagsins að nafnverði 5.703.309 krónur séu þannig ógiltir.

Sjálfkjörið var í stjórn félagsins á aðalfundinum. Svafa Grönfeldt og Hjalti Þórarinsson koma ný inn í stjórn félagsins og var Gunnar Zoëga sjálfkjörinn varamaður í stjórn.