Síðasta karldýr Súmötru nashyrninga dáið

Síðasti karlkyns Súmötru nashyrningurinn í Malasíu er dáinn. Náttúruverndarsinnar segja þessar fréttir eiga að vekja fólk til umhugsunar og hvetja það til að vernda náttúrulífið.  Frá þessu er greint á vef fréttastofu Sky News.

Því var lýst yfir árið 2015 að tegund Súmötru nashyrninga væri útdauð en þessi sérstaka tegund nashyrninga er sú sem fæst dýr eru eftir af.

Sérfræðingar telja að aðeins 30 til 80 Súmötru nashyrningar séu eftir í heiminum en margir þeirra lifa á eyjunni Súmötru og á indónesíska hluta Borneó.

Nashyrningurinn Tam, sem var um 30 ára gamall, hafði búið á friðlandi í Borneó síðan hann fannst ráfandi um pálmaolíuekru árið 2008.

Today, we bid farewell to Tam, our last surviving male Sumatran #rhino. Our hearts are filled with sadness as we mourn the loss of a species. With Tam gone, we now only have Iman left, our last female rhino. Let the loss of Tam be the wakeup call. Our #wildlife needs protection pic.twitter.com/3E6LbY5EzN

— WWF-Malaysia (@WWFMy) May 27, 2019

Samtök um Borneó Nashyrninga (e. The Borneo Rhino Alliance) tilkynnti dauða hans á mánudag og sögðu: „Með sorg í hjörtum þurfum við að deila þeim slæmu fréttum að Tam, síðasti karlkyns Súmötru nashyrningur Malasíu, er dáinn.“

Við munum deila með ykkur ítaratriðum þegar við sjáum okkur fært um það en núna þurfum við smá tíma til að syrgja andlát hans.“

Fjölmiðlar á svæðinu greindu frá því að hann hafi þjáðst af nýrna- og lifravandamálum í einhvern tíma.

Kvenkyns Súmötru nashyrningurinn Iman, sem fannst árið 2014, er nú eina dýr tegundarinnar sem eftir er á Malasíu.

Puntung, sem var annar kvenkyns nashyrningur sem bjó á friðlandinu, lést af völdum krabbameins árið 2017.

Súmötru nashyrningar gætu orðið útdauðir innan nokkurra áratuga, samkvæmt verndunarsamtökunum International Rhino Foundation.

Þessi sérstaka tegund hefur verið mjög einangruð vegna taps á heimkynnum og vegna veiðiþjófnaðar, sem hefur orðið til þess að nashyrningarnir hafa ekki getað fjölgað sér.

Malasía hefur reynt að fjölga nashyrningunum á meðan þeir eru í haldi, með hjálp tæknifrjóvgunar en það hefur ekki tekist.

Sæði úr Tam hefur verið varðveitt í von um að það nýtist í framtíðinni til að fjölga tegundinni. Talsmaður ríkisstjórnar Indónesíu sagði í samtali við MSN News að Indónesía myndi hefja samningaviðræður við Malasíu í von um að fjölga tegundinni. Nýjasta tækni yrði notuð í að frjóvga síðasta kvenkyns nashyrning Malasíu í þeirri von að það bæri ávöxt.