Stefán Rafn og félagar þurfa að sætta sig við silfrið

Stefán Rafn Sigurmannsson og félagar í Pick Szeged gerðu jafntefli við Veszprem í lokaleik ungversku úrvalsdeildarinnar í handbolta í dag, 27-27, en liðin voru að heyja baráttu um ungversku meistaratignina eftir að hafa verið langefst í deildarkeppninni.

Liðin mættust á heimavelli Veszprem fyrir viku síðan og hafði Veszprem þar stórsigur, 35-24. Það var því ljóst að Stefán Rafn og félagar þurftu að eiga sinn allra besta leik í dag.

Niðurstaðan hins vegar sú að Veszprem er ungverskur meistari þar sem þeir vinna einvígið samanlagt 62-51.