Rúnar og Ólafur markahæstir í sigrum

Kristianstad vann stórsigur á Varberg í sænsku úrvalsdeildinni í handbolta þar sem Ólafur Guðmundsson fór á kostum.

Ólafur var markahæstur í liði Kristianstad með 7 mörk í 36-28 sigrinum. Teitur Örn Einarsson bætti þremur mörkum við fyrir gestina.

Kristianstad er á toppi deildarinnar með fullt hús stiga eftir fjóra leiki.

Í Danmörku vann Ribe-Esbjerg fimm marka sigur á Mors-Thy.

Heimamenn í Ribe-Esbjerg leiddu 13-8 í hálfleik og kláruðu leikinn með öruggum 27-22 sigri.

Rúnar Kárason skoraði fimm af mörkum Ribe-Esbjerg og var markahæstur ásamt Kasper Kvist. Gunnar Steinn Jónsson skoraði eitt mark.