Sigurkarfa Pavels sem sökkti Stólunum | Myndband

Pavel Ermolinskij tryggði Val sigur á Tindastól í Dominos-deild karla í gærkvöldi er hann skoraði þriggja stiga körfu á lokasekúndum leiksins.

Jafnt var að loknum venjulegum leiktíma og því þurfti að framlengja leikinn. Sigurkarfa Pavels kom fimm sekúndum fyrir leikslok.

.@pavelino15#dominosdeildin#körfubolti@St2Sport@VisirSportpic.twitter.com/cBzh26hdZn

— Domino's Körfuboltakvöld (@korfuboltakvold) October 24, 2019

Pavel átti frábæran leik. Hann skoraði 23 stig, auk þess sem hann tók níu fráköst og gaf þrjár stoðsendingar. Framlag upp á 30.

Þetta var þriðji sigur Vals í fyrstu fjórum leikjunum en þeir töpuðu fyrir ÍR-ingum í Hertz-hellinum í síðustu umferð. Tindastóll er með fjögur stig.

Umferðin verður gerð upp hjá Kjartani Atla Kjartanssyni og félögum i Domino's Körfuboltakvöldi í kvöld en þátturinn hefst 21.20.