Seinni bylgjan: HK nær 4. sætinu

HK komst upp í 4. sæti Olís-deildar kvenna með sigri á KA/Þór, 32-27, í Kórnum á laugardaginn.

Logi Geirsson hefur trú á HK-liðinu sem hefur átt marga góða leiki í vetur.

„Ég held að HK klári þetta í 4. sætinu. Ég hef trú á þeim,“ sagði Logi í Seinni bylgjunni í gær.

Díana Kristín Sigmarsdóttir var valin leikmaður umferðarinnar en hún skoraði níu mörk fyrir HK gegn KA/Þór.

„Hún átti ótrúlega flottan leik og er búin að vera góð í vetur,“ sagði Logi.

Umræðuna í Olís-deild kvenna í heild sinni má sjá í spilaranum hér fyrir ofan.