Sportið í dag: Haukur Ingi, Birkir og í skúrnum með Kára

Síðasti þáttur vikunnar af Sportinu í dag er á dagskrá Stöðvar 2 Sports klukkan 15:00 í dag.

Haukur Ingi Guðnason, sálfræðingur og fyrrum knattspyrnumaður, mætir í settið og ræðir meðal annars hvernig best sé fyrir íþróttamenn að tækla andlegu hliðina í samkomubanninu. 

Valsmaðurinn Birkir Heimisson, sem var fyrstur leikmanna í Pepsi Max-deild karla til þess að fá kórónuveiruna, verður í viðtali en hann á lítinn tíma eftir í einangrun. 

Einnig heyra strákarnir í hressum Þróttara og líta við í skúrnum hjá Kára Kristjáni Kristjánssyni. Svo er óvænt lokaatriði til þess að enda vikuna með stæl.