Tryllt myndband þar sem nemendur dansa inn í sumarið

Dansnemendur í dansskólanum Steps Dancecenter á Akureyri gáfu nýverið út dansmyndband við lagið Vorið, eftir tónlistarkonuna GDRN. Í þessu myndbandi má sjá 23 nemendur skólans sem eru á aldrinum 15-23 ára.

Danshöfundur og kennari er Linda Ósk Valdimarsdóttir og er myndabandið tekið upp á Akureyri.

„Við ákváðum að gefa út myndband til að sýna afrakstur vinnunnar sem nemendur okkar hafa unnið meðfram samkomubanninu og núna eftir það. Útkoman varð svo þessi skemmtilega sumargleði," segir Linda.

Hægt er að sjá myndbandið hér fyrir neðan.