Fjórir sigrar í röð hjá Skjern

Íslendingalið Skjern og Holstebro mættust í dönsku úrvalsdeildinni í kvöld. Elvar Örn Jónsson leikur með Skjern á meðan Óðinn Þór Ríkharðsson leikur með Holstebro. Fór það svo að Elvar Örn og félagar höfðu betur í kvöld, 37-31.

Skjern byrjaði tímabilið ekki vel en hefur verið að vinna sig hægt og bítandi upp töfluna. Sigurinn var sá fjórði í röð hjá liðinu og er Skjern nú komið upp í 4. sæti deildarinnar, aðeins stigi á eftir GOG sem situr í öðru sæti.

Holstebro er með stigi minna í 5. sæti en liðið hefur aðeins unnið tvo af síðustu fimm leikjum sínum.