Inn­kalla sæl­gæti vegna málm­hlutar

Matvælastofnun hefur varað við neyslu á sænsku sælgæti „S-märke surt skum“, sem heildverslun Core ehf. flytur inn, vegna aðskotarhlutar úr málmi sem fannst í vörunni.

Í tilkynningu frá stofnuninni segir að fyrirtækið hafi innkallað vöruna með aðstoð Heilbrigðiseftirlits Hafnarfjarðar, Garðabæjar og Kópavogs.

„Matvælastofnun fékk upplýsingarnar í gegnum evrópska viðvörunarkerfið RASFF um hættuleg matvæli á markaði og gerði heilbrigðiseftirlitinu viðvart.

Einungis er verið að innkalla eftirfarandi framleiðslulotu/best fyrir dagsetningu:

• Vörumerki: Candy people
• Vöruheiti: S-Märke Surt skum 70 g
• Innflytjandi: Core ehf.
• Best fyrir dagsetning: 14-08-2022 M4
• Dreifing: Bónus, Hagkaup, Krónan, Iceland, Krambúðir, Kvikk, 10-11, Extra24, Fjarðarkaup, N1, Olís, Melabúðin og Heimkaup

Neytendur sem hafa keypt tilgreinda vöru eru beðnir um að skila henni í verslun eða á skrifstofu Core Heildsölu að Víkurhvarfi 1, 203 Kópavogi.,“ segir í tilkynningunni.