Dætur Evu Laufeyjar stálu senunni í matarboði

Í ljósi aðstæðna kunni Eva Laufey ekki við að biðja gesti sína að halda matarboð í þáttunum Matarboð með Evu Laufey og því ákvað hún að bjóða áhorfendum Stöðvar 2 í matarboð heim sín upp á Akranesi þar sem hún eldaði fyrir fjölskyldu sína.

Ingibjörg Rósa dóttir Evu Laufeyjar var sérstakur aðstoðarkokkur og má með sanni segja að hún hafi farið á kostum í eldhúsinu og sagði hvern brandarann á fætur öðrum. Yngri dóttir Evu, Kristín Rannveig átti einnig sína spretti í þættinum og aðstoðaði móður sína vel og vandlega.

Meðal þess sem þær mæðgur matreiddu voru girnilega súkkulaðibitakökur og má sjá þá uppskrift hér að neðan.

Hráefnin:

140 g púðursykur

200 g sykur

200 g smjör, við stofuhita

2 egg

2 tsk vanilludropar eða sykur

375 g hveiti

1/2 tsk lyftiduft

1 tsk matarsódi

salt á hnífsoddi

150 g rjómasúkkulaðidropar

150 g suðusúkkulaðidropar

Aðferð:

- Þeytið saman sykur og smjör þar til blandan er létt í sér.

- Bætið eggjum saman við, einu í einu og þeytið vel á milli.

- Blandið þurrefnum og vanillu út í og hrærið áfram, gott að skafa meðfram hliðum amk einu sinni.

- Í lokin blandið þið súkkulaðinu saman við.

- Gott að kæla deigið í klst. (það má samt sem áður baka strax en lögunin á kökunum verður betri ef deigið fær aðeins að kólna)

- Forhitið ofninn í 180°C.

- Mótið kúlur með höndunum og setjið á pappírsklædda ofnplötu.

- Bakið við 180°C í 12 mínútur.

- Kökurnar eru fremur mjúkar eftir þann tíma og því gott að leyfa þeim að kólna á plötunni í rólegheitum.

- Berið strax fram og njótið!