Rýmingar vegna snjóflóðahættu á Flateyri

„Það er hús nr. 9 og 12 við Ólafstún og hús nr. 14 við Goðatún. Þá er dvöl í bensinstöðinni bönnuð og kveikt verður á viðvörunarljósinu við höfnina sem merkir að ekki sé ráðlegt að dvelja þar.“ Þetta kemur fram í tilkynningu frá lögreglunni á Vestfjörðum.

Fram kemur að um öryggisráðstöfun sé að ræða og óþarfi að óttast stöðuna.

„Ef eitthvað er óskýrt þá er velkomið að hafa samband við lögregluna á Vestfjörðum í gegnum síma Neyðarlínunnar, 112 eða í einkaskilaboðum á facebooksíðu hennar. Ekki hika við að hafa samband.“

Flateyrarvegur og vegurinn milli Súðavíkur og Ísafjarðar eru lokaðir vegna snjóflóðahættu.