Fyrirliði Barcelona til Manchester City

Losada er uppalinn hjá spænska stórliðinu og hefur leikið þar með hléum frá árinu 2006. Þar á meðal var hún á mála hjá Arsenal frá janúar 2015 út tímabilið 2016, og vann bæði FA-bikarinn og deildabikarinn.

Tækifærin voru hins vegar að skornum skammti hjá Börsungum á síðustu leiktíð þrátt fyrir að Losada beri þar fyrirliðabandið. Barcelona vann þrennuna á leiktíðinni, spænsku deildina, bikarinn og Meistaradeild Evrópu.

Hún sækist því eftir meiri spiltíma hjá Manchester City sem var hársbreidd frá því að vinna enska meistaratitlinn á síðustu leiktíð. City hafnaði í 2. sæti með 55 stig, tveimur frá meisturum Chelsea.

City lenti einnig í öðru sæti tímabilin tvö á undan og sækist eftir sínum fyrsta meistaratitli frá 2016.