Kvöldfréttir Stöðvar 2

Þá segjum við frá því að útflutningsverðmæti eldislax úr stærsta firði Austfjarða, Reyðarfirði, stefnir í tíu milljarða króna á þessu ári. Framkvæmdastjóri Laxa vonast til að verðmætið úr þessum eina firði ríflega tvöfaldist á næstu árum.

Við sýnum einnig myndefni frá því þegar hætta skapaðist við gosstöðvarnar í gærkvöld. Göngufólk átti fótum sínum fjör að launa þegar hraun streymdi niður Nátthaga af fullum krafti og björgunarsveitir þeyttu sírenur og öskruðu til fólks að forða sér með hraði.

Þetta og margt fleira á samtengdum rásum Stöðvar 2 og Bylgjunnar klukkan 18:30.