Rússi­bani stöðug­leikans

Það er auðvelt að fela óstöðugleikann með verðtryggingunni.

Við féllum fyrir brellunni, enn og aftur. Stöðugleiki í boði gamla fjórflokksins var mantran sem við kusum. En hér hefur aldrei ríkt stöðugleiki, eina sem er stöðugt er óstöðugleiki sem samanstendur af verðbólgu, vöxtum og gjaldmiðli í höftum.

Verðtryggingin gleypir kostnaðinn af óstöðugleikanum og skilar honum til okkar áratugum seinna. Stöðugleikinn er einungis á yfirborðinu, rétt undir því eru sterkir straumar sem soga til sín verðmæti almennings og flytur þau til útvaldra.

Nú í vikunni fór rússíbani stöðugleikans í enn eina dýfuna. Líklegt er að við sem höfum fært okkur úr verðtryggingunni yfir í óverðtryggð lán munum ekki ráða við mánaðarlega hækkun afborgana og neyðast til að flýja í skúmaskot verðtryggingarinnar.

Þetta er þyngra en tárum taki.

Höfundur er oddviti Viðreisnar í bæjarstjórn Hafnarfjarðar.