Enski boltinn

Liverpool fær sinn gamla þjálfara í heimsókn

Hjörtur Leó Guðjónsson skrifar
Brendar Rodgers heimsækir sína gömlu félaga í átta liða úrslitum enska deildarbikarsins.
Brendar Rodgers heimsækir sína gömlu félaga í átta liða úrslitum enska deildarbikarsins. Michael Regan/Getty Images

Brendan Rodgers mætir með lærisveina sína í Leicester á Anfield þegar liðið heimsækir Liverpool í átta liða úrslitum enska deildarbikarsins. Dregið var í morgun, en einnig eru tveir Lundúnaslagir á dagskrá.

Tottenham tekur á móti nágrönnum sínum í West Ham, en þeir síðarnefndu slógu ríkjandi meistara Manchester City úr leik í 16-liða úrslitum. Hinn Lundúnaslagurinn er viðureign Brentford og Chelsea.

Sunderland er eina liðið sem leikur ekki í úrvalsdeildinni sem eftir er í keppninni. C-deildarliðið fær verðugt verkefni og heimsækir Arsenal.

Leikirnir fara fram skömmu fyrir jól, en dráttinn í heild sinni má sjá hér fyrir neðan.

Átta liða úrslit

Tottenham - West Ham

Arsenal - Sunderland

Brentford - Chelsea

Liverpool - Leicester

Enski boltinn

Mest lesið


Fleiri fréttir

Sjá meira


×

Mest lesið