Innlent

Rafmagn komið aftur á í mið­borginni

Viktor Örn Ásgeirsson skrifar
Rafmagnslaust er í miðbæ Reykjavíkur.
Rafmagnslaust er í miðbæ Reykjavíkur. Vísir/Vilhelm

Rafmagnslaust var víða í miðborg Reykjavíkur vegna háspennubilunar. Rafmagnsleysið náði meðal annars til Mýrargötu, Geirsgötu, Tryggvagötu, Pósthússtrætis, Hafnarstrætis og Austurstrætis auk einhverra gatna í kring. Tilkynnt var um rafmagnsleysið klukkan 20.45 á vef Veitna.

Samkvæmt upplýsingum frá Veitum er unnið að viðgerð og vonir eru bundnar við að rafmagni verði komið aftur á innan skamms. Fréttamaður Vísis er staddur í miðborg Reykjavíkur og segir að nokkuð drungalegt sé yfir.

Veitur benda borgarbúum á að slökkva á rafmagnstækjum sem geta valdið tjóni þegar rafmagn kemur á að nýju.

Fréttin hefur verið uppfærð.

Reykjavík Orkumál

Mest lesið


Fleiri fréttir

Sjá meira


×

Mest lesið