Tilboðsdagar á útileikföngum í Dótabúðinni

Tilboðinu lýkur á morgun, sumardaginn fyrsta en þá verður opið í versluninni milli klukkan 11 og 14. Tilboðin eru að sjálfsögðu einnig í netverslun á dotabudin.is.

„Við eigum frábært úrval útileiktækja, meðal annars rennibrautir, sandkassa og allskonar hús í mörgum stærðum og gerðum,“ segir Sigríður Fanney Gunnarsdóttir, markaðsstjóri Dótabúðarinnar.

„Þetta er frönsk gæðaframleiðsla úr sterku plasti sem þolir íslenskar aðstæður vel. Í plastinu er UV-vörn svo leiktækin upplitast ekki. Þau eru afar endingargóð en í minni fjölskyldu er til dæmis hús sem keypt var árið 1997 enn í fullri notkun. Við eigum einnig til leikfangatraktora frá sama framleiðanda og dúkkuvagna. Þá eigum við einnig mikið úrval af smærri útileikföngum frá Zuru til dæmis vatnsblöðrur sem ekki þarf að binda, vatnsbyssur, sápukúlur og fleira. Við keyrum sjálf út allar pantanir yfir tíu þúsund krónum frítt heim að dyrum á höfuðborgarsvæðinu og við reynum við að afgreiða allar pantanir sem berast fyrir kl 13 samdægurs,“ segir Sigríður Fanney.

Stórt hús með eldhúsi og bekkjum

Stóra húsið frá Smoby vekur alltaf lukku. Húsið er 172cm á hæð og er með eldhúsi og borð með bekkjum. Á húsinu eru einnig 2 dyr, 2 hreyfanlegir hlerar, gluggar, blómapottur,strompur á þakinu og það sem vekur yfirleitt mestu lukkuna hjá þeim yngstu dyrabjalla með hljóði!

Stórt veitingahús

Veitingahúsið frá Smoby er stórsniðugt fyrir upprennandi veitingafólk en húsið er með fullbúnu eldhúsi og afgreiðslulúgu. Í húsinu er ísskápur, ofn og gaseldavél með „logum“ auk búðarkassi með posa. Húsinu fylgja einnig helstu sumarveitingar eins og hamborgarar og pylsur, sósur og fleira.

Hús með grilli

Frábært hús fyrir litla grillara en húsinu fylgir lítið útieldhús og sautján fylgihlutir eins og pylsur og grilláhöld. Tveir gluggar eru á húsinu með hlerum sem hægt er að renna fram og til baka.

Útileikstöð

Frábært leiktæki með fjölbreytta möguleika fyrir fjöruga krakka. Rennibraut, piknikkborð og bekkur, hús með hurð, körfuboltakarfa og fótboltanet. Hægt er að tengja garðslönguna við rennibrautina og búa þannig til vatnsrennibraut og tröppunum má snúa við en hinumegin er klifurstigi.

Rennibraut

Æðisleg rennibraut með góðum handföngum og stömum þrepum. Með því að tengja garðslönguna við brautina má búa til hressilega vatnsrennibraut á heitum sólardögum.

Traktor

Stór fótstiginn traktor með skóflu og kerru er frábær sumargjöf fyrir atorkusama krakka. Hægt er að opna húddið og „gera við“ og í stýrinu er flauta. Tilvalin græja í vorverkin.

Vatnsblöðrur sem þarf ekki að binda

Vatnsblöðrurnar frá Bunch O Balloon hafa slegið í gegn um allan heim en þær lokast sjálfkrafa svo foreldrarnir losna við brasið við að binda þær. Blöðrurnar eru á stilkum sem festur er á garðslönguna og þegar þær fyllast eru þær einfaldlega hristar af. Hægt er að fylla 60 vatnsblöðrur á innan við mínútu! Stór skemmtilegt fyrir bæði unga sem aldna!

Vatnsbyssur frá X- shot

Vatnsbyssurnar frá Zuru eru kraftmiklar og skemmtilegar. Þær eru sérstakar að því leyti að það tekur aðeins 1 sekúndu að fylla þær. Opnaðu lokið og dýfðu byssunni ofan í vatn og þær fyllast á 1 sekúndu. Epic Fast Fill vatnsbyssan skýtur allt að 10 metrum og hún er með 4 mismunandi vatnsbunum.