Viðskipti erlent

Samþykktu tímabundið bann við rafmyntargreftri

Kjartan Kjartansson skrifar
Rafmyntarnáma Greenidge Generation í gömlu kolaorkuveri við Seneca-vatn í New York. Orkuverið framleiðir einnig rafmagn inn á raforkunet ríkisins.
Rafmyntarnáma Greenidge Generation í gömlu kolaorkuveri við Seneca-vatn í New York. Orkuverið framleiðir einnig rafmagn inn á raforkunet ríkisins. AP/Ted Shaffrey

Ríkisþing New York samþykkti frumvarp sem leggur tímabundið bann við að gefin verið út ný eða endurnýjuð leyfi fyrir jarðefnaeldsneytisorkuver sem eru notuð til að knýja gröft eftir rafmyntum. Slíkur gröftur hefur stórt kolefnisspor.

Bannið gildir í tvö ár en til að öðlast lagagildi þarf Kathy Hochul, ríkisstjóri, að skrifa undir það. Hún hefur sagt að hún vilji tryggja jafnvægi á mili efnahagslegra og umhverfislegra þátta í lagasetningu.

Umhverfissinnar sem töluðu fyrir frumvarpinu segja að losun frá orkuverum sem knýja orkufrekan rafmyntargröft stefni loftslagsmarkmiðum New York-ríkis í hættu.

Gröftur eftir rafmyntum krefst öflugra tölva sem nota gríðarlega mikla orku. AP-fréttastofan segir að samkvæmt einni rannsókn jafnist rafmagsnnotkun vegna rafmyntarinnar bitcoin einnar saman á við alla notkun Hong Kong.

Talsmenn rafmyntariðnaðarins eru ósáttir við frumvarpið og segja það stöða atvinnuuppbyggingu í New York. Verði frumvarpið að lögum færi rafmyntarfyrirtæki sig einfaldlega til annarra ríkja.

Kína hefur þegar bannað gröft eftir rafmyntum, meðal annars í þágu loftslagsmarkmiða sinna.

Rafmyntir Bandaríkin Loftslagsmál

Tengdar fréttir

Nær öll fjárfesting fólks hafi þurrkast út á örskotsstundu

Sérfræðingur í rafmyntum segir ljóst að Íslendingar hafi tapað milljónum í stærsta hruni minni rafmynta í manna minnum nú í vikunni. Fólk sem lagt hafi fé í aðrar rafmyntir en þær stærstu, Bitcoin og Ethereum, hafi tapað nær öllu.

Kínverjar banna rafmyntir og gröft

Stjórnvöld í Beijing lýstu öll viðskipti með rafmyntir ólögleg og bönnuðu svonefndan gröft eftir rafmyntum í dag. Bannið á meðal annars að hjálpa Kínverjum að ná markmiðum sínum um samdrátt gróðurhúsalofttegunda.



Mest lesið


Fleiri fréttir

Sjá meira


×

Mest lesið