Í stresskasti fyrir bónorðið og ekki hella heitu vatni í blandarann

Oddur fékk það verkefni að vera með Gumma Ben í liði og var Ebba í liði með Evu. Sem fyrr voru þau Hrefna Sætran og Siggi Hall dómararnir en nú hafa verið gerðar breytingar á reglunum.

Dómarar hafa vald til þess að læða ákveðnum hindrunum á keppendur í miðri keppni sem gera verkefnið enn erfiðara. Ebba sagði virkilega skemmtilega sögu frá því þegar Oddur ætlaði sér að biðja hennar og var í stresskasti meðan hún var að reiða fram risotto heima og hann mana sig upp í verkefnið.

Í þættinum í gær fengu keppendur allt í einu senda fram hindrun frá dómurunum og það þegar matreiða átti aðalréttinn. Sú hindrun var á þá leið að bannað væri að nota ofninn við aðalréttinn. Eva Laufey gerði þau mistök að hella sjóðandi heitu vatni í blandarann sem er greinilega ekki alveg málið.

Hér að neðan má sjá brot úr þættinum í gærkvöldi þar sem margt fór í raun úrskeiðis.