Kvöld­fréttir Stöðvar 2

Forsætisráðherra vísar fullyrðingu Bjarkar Guðmundsdóttur söngkonu um aðgerðaleysi í loftslagsmálum algerlega á bug. Ummæli Bjarkar hafa vakið athygli heimsfjölmiðla, en þar segir hún forsætisráðherra hafa gengið á bak orða sinna.

Við ræðum einnig við Kristrúnu Frostadóttur sem tilkynnti í dag um framboð til formanns Samfylkingarinnar, verðum í beinni frá Laugardalshöll þar sem þátttakendur í Reykjavíkurmaraþoni streyma að til að ná í hlaupagögn auk þess sem við kíkjum á kaffihúsaeiganda í Ólafsfirði sem talar sex tungumál og safnar sögum um konur í bænum.

Þetta og margt fleira á samtengdum rásum Bylgjunnar og Stöðvar 2 klukkan 18:30.