Krókódíll synti með­fram brú með lík í kjaftinum

Carpintero-lónið er vinsæll ferðamannastaður en þar geta gestir gengið á göngubrú yfir lónið og fylgst með íbúum þess, sem flestir eru krókódílar. Þeim var þó heldur brugðið þegar einn þeirra synti fram hjá með lík í kjaftinum. Á líkið vantaði helming af vinstri handleggnum og vinstri fótinn. 

Í myndbandi sem birtist á samfélagsmiðlum um helgina má sjá krókódílinn vera með tak á hægri hlið mannsins og höfði hans en andlit mannsins sneri niður.

„Líklegast hefur maðurinn farið í lónið til þess að synda og dýrið hefur ráðist á hann,“ segir í umfjöllun mexíkóska blaðamannsins Porfirio Ibarra.

Að sögn annars mexíkósks blaðamanns, Jorge Becerril, var líkið dregið upp úr lóninu stuttu seinna af yfirvöldum á svæðinu. Krókódílinn vildi fyrst um sinn ekki sleppa taki sínu en gafst upp á endanum og var komið aftur í lónið.

Myndbandið má sjá hér fyrir neðan og er ekki fyrir viðkvæma.