Fjallagarpur selur glæsihýsi

Um er að ræða sex herbergja enda keðjuhús með tvöföldum bílskúr á Flötunum í Garðabæ. Húsið er rúmlega 240 fermetrar og er byggt árið 1969.

Fram kemur í lýsingu að húsið sé mjög mikið endurnýjað og hvergi til sparað. Lóðin er óvenju stór eða 1620 fermetrar. Innkeyrslan er um 200 fermetrar og upphituð og rúmar auðveldlega sex til sjö bíla. Í húsinu er einnig að finna 44,7 fm upphitaða sólstofu.

Að aftan er ný uppgerð verönd á þremur pöllum og heitum potti. Í lýsingu segir að garðurinn sé þakinn gróðri á sumrin og þá bjóði sólpallarnir upp á gott einka afdrep og næði.

Fjögur svefnherbergi og tvö baðherbergi eru í húsinu. Í stofunni er arinn sem er umkringdur Drápuhlíðargrjóti sem þekur einnig valda veggi í stofum. Eldhúsið er með fallegri eldhúsinnréttingu frá Brúnás með góðu skápaplássi og granit borðplötu.

Ásett verð er 175 milljónir en fasteignamat hússins er 115,2 milljónir.

​​​Hér að neðan má sjá myndir af húsinu en nánari upplýsingar um eignina er hægt að finna á Fasteignavef Vísis.