Póst­boxum fjölgar á Vest­fjörðum

„Við höfum unnið hörðum höndum að því að finna stað fyrir öll nýju póstboxin okkar. Um leið og við finnum heppilega staðsetningu er strax hafist handa við að setja póstboxin upp og við sendum uppsetningarteymið okkar af stað,“ segir Kjartan Flosason, forstöðumaður Pósthúsa hjá Póstinum.

Í tilkynningu frá Póstinum kemur fram að þau box sem standa utandyra séu opin allan sólarhringinn. Þá eru þeir staðir sem hýsa póstbox með talsvert lengri opnunartíma en pósthúsin.

Kjartan vekur athygli á því að einnig sé hægt að senda út póst með póstboxunum, og það sé gert í örfáum skrefum.