Innlent

Þyrlu­sveitin sótti slasaðan reið­hjóla­mann

Árni Sæberg skrifar
Þyrlan var hvort sem er á leiðinni heim.
Þyrlan var hvort sem er á leiðinni heim. Vísir/Vilhelm

Þyrlusveit Landhelgisgæslunnar var á leið til Reykjavíkur eftir æfingar á Austfjörðum þegar tilkynning barst um reiðhjólaslys í Bláskógabyggð á Suðurlandi. Þyrlunni var lent þar og sá slasaði tekinn upp í og stefnan tekin á Reykjavík á ný.

Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við Vísi. Hann sagði þyrluna enn vera á leið til höfuðborgarinnar um klukkan 23:40.

Mbl.is, sem greindi fyrst frá slysinu, hefur eftir lögreglunni á Suðurlandi að slysið hafi orðið á illfærum stað og því hafi verið óskað eftir aðstoð Landhelgisgæslunnar. Þá liggi ekki fyrir upplýsingar um tildrög slyssins en sá slasaði sé beinbrotinn.

Landhelgisgæslan Bláskógabyggð

Mest lesið


Fleiri fréttir

Sjá meira


×

Mest lesið