Brýnt að finna þyrlu­flugi í Reykja­vík nýjan stað

Í­búar á höfuð­borgar­svæðinu eru margir orðnir þreyttir á há­vaða af völdum út­sýnis­flugs frá Reykja­víkur­flug­velli yfir eld­stöðvar við Litla Hrút. Einn íbúa í Skerja­firði sagði í sam­tali við frétta­stofu í síðustu viku gríðar­lega um­ferð út­sýnis­þyrlna vera skerðingu á lífs­gæðum.

Ekki nóg að senda Isavia á­bendingar

„Út­sýnis­flug á þyrlum frá Reykja­víkur­flug­velli veldur miklu ó­næði og er orðið það mikið að brýnt er að finna því nýjan stað og tryggja að flug­leiðir í lág­flugi séu al­mennt ekki yfir í­búða­byggð þannig að ó­næði valdi,“ segir Dagur B. Eggerts­son, borgar­stjóri, í skrif­legu svari til Vísis.

Hann segir fjölda­margar á­bendingar hafa borist borgar­yfir­völdum um ó­næði vegna stór­aukinnar um­ferðar þyrlna undan­farin ár. Það hafi aukist í kjöl­far gosa á Reykja­nesi og á­bendingum sömu­leiðis.

„Þegar spurt er hvað borgar­yfir­völd geta gert þá hefur Heil­brigðis­eftir­litið eftir­lit með há­vaða og ó­næði. Mikil­vægt er að senda því á­bendingar eða kvartanir. Ekki er nægjan­legt að senda Isavia, rekstrar­aðila Reykja­vikur­flug­vallar á­bendingar, líkt og ég tek eftir að ein­hverjir hafa verið að benda á.“

Æski­legt að breið sátt náist um málið

Dagur segir að stóra verk­efnið nú sé að skoða aðra a­stöðu­sköpun og lendingar­staði fyrir þyrlu­fyrir­tækin. Eitt þeirra hafi óskað eftir að­stöðu á Hólms­heiði á dögunum.

„Og höfum við sett af stað skoðun á þeim kosti sem gæti nýst út­sýnis­fluginu al­mennt, án þess að valdi sam­bæri­legu ó­næði. Þar er að mörgu að hyggja og væri æski­legt ef hægt væri að út­færa þetta þannig að breið sátt náist um málið.“

Hann segir að bæði mætti sjá fyrir sér tíma­bundna að­stöðu vegna mikillar aukningar á ferðum út­sýnis­þyrlna en ekki væri síður á­huga­vert að skoða stað­setninguna til fram­búðar.

Dagur segir stjórnir sveitar­fé­laganna á höfuð­borgar­svæðinu ekki hafa rætt um málið sín á milli. Í­búar á Kárs­nesi í Kópa­vogi hafa einnig kvartað undan há­vaða vegna út­sýnis­þyrlna.

„Sveitar­fé­lögin á höfuð­borgar­svæðinu hafa ekki rætt þetta á sam­eigin­legum vett­vangi enn sem komið er en þess má geta að það var að frum­kvæði íbúa Kárs­ness sem al­þjóða­flug fluttist til Kefla­víkur og nætur­flug var bannað af Reykja­víkur­flug­velli á sínum tíma. Ein­mitt vegna ó­næðis.“