Á­hrifa­rík á­vaxta­sýru­með­ferð fyrir fætur

Á fótunum safnast upp dauðar húðfrumur með tímanum og getur það stuðlað að fjölmörgum vandamálum sem tengjast iljunum. Þessar dauðu húðfrumur safnast upp m.a. vegna þrýstings og núnings frá venjulegum dagsverkum eins og að standa, hreyfa sig og klæðast mismunandi skóbúnaði. Einnig er það þekkt vandamál hjá fólki sem þarf að vinna löngum stundum í lokuðum skóm að vera með sprungur í hælum og sársaukafullt sigg. Íþróttafólk er einnig líklegra til að vera með ólykt og harða hæla þar sem fæturnir þurfa að dúsa í heitum og rakamiklum skóm á meðan þau puða.

Algengt er að nota svokallaða fótaraspa og þjalir á þessi svæði til að mýkja og fjarlægja dauða húð á iljum en gallinn við þau, annars ágætu tól, er að þau veita aðeins tímabundna lausn og hafa nýlegar rannsóknir sýnt að slípun af þessu tagi getur valdið meiri núning á iljunum en ella. Halló vítahringur!

Baby Foot Peel fótamaskinn er áhrifarík ávaxtasýrumeðferð fyrir fætur sem þú getur notað í stofunni heima hjá þér. Gelmaskinn virkar með því að losa efsta húðlag fótanna og að nokkrum dögum liðnum byrjar dauð húð að flagna af. Hljómar illa en er algjörlega sársaukalaust!

Baby Foot Peel fótameðferðin kom fyrst á markað í Japan árið 1997 með því markmiði að leysa ýmis fótavandamál fólks svo sem sprungna hæla, þurra húð og ólykt og hefur hún notið gríðarlegra vinsælda síðan þá um allan heim.

Fótameðferðin er einföld í notkun

• Í hverjum pakka eru gel sokkar sem þú ferð í og lætur bíða á fótunum í eina klukkustund. Á meðan getur þú ráðið krossgátu, flett á Fésbókinni eða horft á uppáhaldsþáttinn þinn í sjónvarpinu. 
• Eftir þessa notalegu klukkustund ferðu úr meðferðarsokkunum og skolar fæturna.
• Nokkrum dögum síðar byrja dauðu húðfrumurnar að flagna af og tekur það ferli venjulega nokkra daga til viðbótar. 
• Eftir standa silkimjúkir fætur og þú getur þá loksins farið berfætt/ur út í búð.... Bara ekki fara með vinum í heita pottinn meðan þú ert í miðju flögnunarferli... það gæti haft varanleg áhrif á vinskapinn. 
• Allt ferlið tekur um 7-10 daga og þá ætti allt að vera búið og allir glaðir!