Giftu sig tvisvar en halda nú hvort í sína áttina

Söngvarinn úr Jonas bræðrum og Game of Thrones leik­konan giftu sig ekki einu sinni, heldur tvisvar árið 2019. Fyrst í Las Vegas í Banda­ríkjunum og síðan í Frakk­landi.

Joe og Sophie fóru fyrst að stinga saman nefjum í gegnum Insta­gram árið 2016. Sophie hefur áður sagt frá því að þau hafi átt marga sam­eigin­lega vini. Joe hafi sent sér skila­boð upp úr þurru á miðlinum og hlutirnir strax farið að gerast.

Í um­fjöllun Peop­le kemur fram að hvorugt þeirra hafi tjáð sig um skilnaðinn opin­ber­lega. Söngvarinn og leik­konan trú­lofuðu sig árið 2017 en þau eiga tvær dætur, Willu Jonas sem fæddist árið 2020 og aðra litla stelpu sem fæddist í fyrra. Hjónin hafa aldrei gefið upp nafn stelpunnar.