Tekur við markaðs­málunum hjá Advania

Í tilkynningu segir að Einar Örn hafi í fyrra starfi unnið að herferðum fyrir Ford Motor Co og Lincoln Motors auk hluta af þróunarverkefninu Cool Japan sem yfirvöld í Japan og Okinawa hafi lagt upp með til að kynna Japan og japanskar vörur á erlendum mörkuðum. 

„Einar starfaði áður um árabil sem leiðtogi hugmynda og hönnunar á Íslensku auglýsingastofunni eftir að hann sneri heim eftir rúman áratug í starfi og námi í Boston og New York. Einar er stjórnmálafræðingur frá Háskóla Íslands og lauk meistaraprófi í Markaðsboðskiptafræði við Emerson College í Boston.

Einar Örn tekur við starfi markaðsstjóra af Auði Ingu Einarsdóttur sem nýverið tók við starfi framkvæmdastjóra innviðalausna hjá Advania,“ segir í tilkynningunni.