Kærasta Littlers: „Því­líkur hvirfil­bylur sem síðustu vikur hafa verið!“

Littler skaust upp á stjörnuhimininn með frammistöðu sinni á HM í pílukasti. Hann fór alla leið í úrslit mótsins þar sem hann tapaði fyrir Luke Humphries, 7-4.

Fjölmiðlar víða um heim hafa verið duglegir að fjalla um Littler og allt sem honum viðkemur, meðal annars kærustu hans Eloise Milburn. Hún er 21 árs, fimm árum eldri en Littler.

„Þvílíkur hvirfilbylur sem síðustu vikur hafa verið! Eina sem ég get sagt er að ég er ótrúlega stolt af því sem þessi hefur afrekað!“ skrifaði Milburn við mynd af þeim Littler á Instagram. „Við erum saman í þessu,“ svaraði Littler.

Littler og Milburn hafa verið saman í sjö vikur. Sameiginlegur vinur kynnti þau. Parið er með svipuð áhugamál, finnst gaman að spila FIFA og pílukast. Milburn er liðtækur pílukastari og Littler ætlar að hjálpa henni að ná langt í greininni.

Littler mun hafa nóg að gera á næstunni en hann fékk keppnisrétt í úrvalsdeildinni í pílukasti þar sem bestu pílukastarar heims keppa sín á milli.

Auk Littlers keppa þeir Humphries, Michael van Gerwen, Gerwyn Price, Rob Cross, Michael Smith, Peter Wright og Nathan Aspinall í úrvalsdeildinni í pílukasti hefst þann 1. febrúar næstkomandi.