Fiskréttur Sunnevu Einars slær í gegn

„Þetta var bara random ískápahreinsun sem kom mjög vel út,“ skrifaði Sunneva við myndina.

Sunneva er í hörkuformi og deilir reglulega myndum af sér í ræktinni og matarmyndum. Miðað við fjölda fylgjenda er ljóst að hún veiti mörgum innblástur þegar kemur að líkamlegri heilsu og matarvenjum.

Karrý brokkolí þorskur

Hráefni:

• 700 - 800 gr þorskur
• 1 stk brokkolíhaus meðalstór
• 1 stk laukur
• Kirsuberja tómatar
• 400 ml rjómi
• 200 gr kotasæla
• 100 gr rjómaostur
• Mozzarella ostur
• Hrísgrjón

Aðferð:

• Skerið brokkolíið í bita og steikið upp úr smá vatni og salti í fimm mínútur. Raðið bitunum í eldfast mót.
• Skerið þorskflökin í bita og raðið þeim ofan á brokkolíið.
• Skerið lauk og steikið á pönnu með smjöri. Kryddið með karrý, salti og pipar. 
• Þar eftir er mjólkurvörum bætt á pönnuna og látið malla við lágan hita. 
• Hellið sósunni yfir fiskinn. 
• Skerið tómata til helminga og raðið ofan á blönduna. 
• Sáldrið rifnum mozzarella osti yfir í lokin.
• Setjið álpappír yfir réttinn og eldið á 180 °C í tuttugu mínútur.
• Takið álpappírinn af og eldið áfram í fimm mínútur. 
• Berið réttinn fram með hrísgrjónum.