Svein­dís Jane byrjar í endurkomunni

Þorsteinn Halldórsson, þjálfari íslenska kvennalandsliðsins í fótbolta, hefur tilkynnt byrjunarlið sitt fyrir fyrri leikinn á móti Serbíu í umspili um áframhaldandi veru í A-deild í undankeppni Evrópumótsins 2025.

Sveindís Jane Jónsdóttir snýr aftur inn í íslenska liðið eftir langa fjarveru vegna meiðsla og hún er í þriggja manna framlínu ásamt þeim Diljá Ýr Zomers og Hlín Eiríksdóttur.

Þorsteinn velur líka Telmu Ívarsdóttur í markið yfir hina ungu Fanneyju Ingu Birkisdóttur sem sló í gegn í síðasta leik liðsins á móti Dönum. Telma missti af þeim leik vegna meiðsla.

Alexandra Jóhannsdóttir kemur inn á miðjuna og er þar með þeim Karólínu Leu Vilhjálmsdóttur og Selmu Sól Magnúsdóttur.

Í varnarlínunni eru Glódís Perla Viggósdóttir og Ingibjörg Sigurðardóttir miðverðir og þær Guðrún Arnardóttir og Sædís Rún Heiðarsdótti bakverðir.