Hvar er Katrín?: Konung­legt klúður og forsetafabúleringar

Af hverju eru fólk svona uppveðrað yfir því að Katrín hafi fiktað í mynd af sér og börnunum sínum? Af hverju upplýsir konungsfjölskyldan ekki bara um stöðu  mála og aðgerðina sem prinsessan gekkst undir?

Og er það rétt að Jón og Séra Jón og Jón Gnarr séu allir að bíða eftir því að Katrín forsætis geri upp hug sinn áður en þeir kasta hatt sínum í hringinn? Vill þjóðin Kötu á Bessastaði? Vill Kata á Bessastaði???

Anna Lilja Þórisdóttir, blaðamaður og royalisti, Einar Bárðarsson, plöggari og plokkari, og Stefanía Sigurðardóttir, framkvæmdastjóri þingflokks Viðreisnar og fyrrverandi forsetaframboðsstýra, mæta til leiks í Pallborðinu í dag til að svara þessum spurningum og fleiri.

Pallborðið er sýnt í beinni útsendingu á Vísi og Stöð 2 Vísi og hefst klukkan 14.