Skapheitur ökuþór henti eigin stuðara í annan bíl

Gase var svo reiður út í einn andstæðing sinn á brautinni og kenndi viðkomandi augljóslega um það hvernig fór.

Gase reif stuðarann af sínum eigin bíl og kastaði honum svo í bíl Dawson Cram um leið og hann keyrði fram hjá.

Dawson Cram virtist fara aftan í Gase með þeim afleiðingum að bíllinn hans Gase snerist, endaði út í vegg og stórskemmdist.

Það grátbroslega við þetta allt saman var á stuðaranum stóð „Race against Crime“ eða „Barátta gegn glæpum“.

Það má sjá áreksturinn og stuðarakastið hér fyrir neðan.