Innlent

Fyrstu tölur úr Reykja­vík suður: Halla Tómas­dóttir með flest at­kvæði

Oddur Ævar Gunnarsson skrifar
Það er gaman hjá Höllu Tómasdóttur sem leiðir í öllum kjördæmum.
Það er gaman hjá Höllu Tómasdóttur sem leiðir í öllum kjördæmum. Vísir/Vilhelm

Halla Tómasdóttir er með flest atkvæði eftir fyrstu tölur úr Reykjavík Suður. Hún er með 32,5 prósent fylgi en á eftir henni kemur Katrín Jakobsdóttir með 28,9 prósent. Halla Hrund Logadóttir er með 12,95 prósenta fylgi.

Halla Tómasdóttir leiðir í öllum kjördæmum sem stendur. Áður hafa birst tölur úr Norðausturkjördæmi og Suðurkjördæmi. Þar leiðir hún einnig.

Arnar Þór Jónsson er með 5,17 prósent fylgi, Ásdís Rán Gunnarsdóttir með 0,13 prósent fylgi, Ástþór Magnússon með 0,17 prósent fylgi. Baldur Þórhallsson er með 8,41 prósent fylgi, Eiríkur Ingi Jóhannsson með 0,05 prósent, Helga Þórisdóttir með 0,20 prósent fylgi, Jón Gnarr með 10,59 prósent fylgi, Steinunn Ólína Þorsteinsdóttir með 0,77 og Viktor Traustason með 0,24 prósent.

Forsetakosningar 2024 Halla Tómasdóttir Reykjavík

Mest lesið


Fleiri fréttir

Sjá meira


×

Mest lesið