Innlent

Ferða­menn í báðum bif­reiðum

Eiður Þór Árnason skrifar
Hringveginum er lokað við Skeiðarársand. Myndin er úr safni.
Hringveginum er lokað við Skeiðarársand. Myndin er úr safni. vísir/vilhelm

Enn er lokað fyrir umferð um Hringveginn við Skeiðarársand eftir harðan árekstur tveggja fólksbifreiða í Öræfasveit við Gígjukvísl upp úr klukkan 14 í dag. Tveir erlendir ferðamenn voru í hvorri bifreið og hafa þeir allir fjórir verið fluttir á sjúkrahús með þyrlu Landhelgisgæslunnar.

Að sögn aðalvarðstjóra hjá lögreglunni á Selfossi lentu báðir bílar utan vegar, annar þeirra á hvolfi en hinn á hjólunum. Rannsókn sé enn í gangi á vettvangi og reynt að klára hana eins fljótt og hægt er. 

Vonast er til að hægt verði að opna aftur fyrir umferð fyrir klukkan 19 en það veltur á því hvenær tæknideild lögreglunnar klárar vinnu sína á vettvangi. Rannsóknardeild lögreglunnar á Suðurlandi fer með rannsókn málsins.

Uppfært: Búið er að opna aftur fyrir umferð um veginn. 

Samgönguslys Landhelgisgæslan Lögreglumál Sveitarfélagið Hornafjörður

Tengdar fréttir

Mest lesið


Fleiri fréttir

Sjá meira


×

Mest lesið