Tónlistarveisla á Menningar­nótt sýnd í beinni út­sendingu

Fram koma Stuðlabandið ásamt Diljá, Ragga Gísla, Patrik, Birgitta Haukdal, Emmsjé Gauti, GDRN, Björn Jörundur og Bjartmar og Bergrisarnir. Það ættu því allir að geta hlustað á tónlist við sitt hæfi. Horfa má á tónleikana í spilaranum þegar þeir hefjast að loknum kvöldfréttum Stöðvar 2. 

Matarvagnar frá Götubitanum verða í Hljómskálagarðinum á sama tíma og því má búast við miklu fjöri og sannkallaðri tónlistar- og matarveislu sem Bylgjan skipuleggur.

Auk þess verða hoppukastalar fyrir börnin kl 18:30 í boði Bylgjunnar og Kastalar leiktækjaleiga.

Flugeldasýning Menningarnætur hefst kl. 23 við Arnarhól en hún er lokaatriði dagsins.