Tíska og hönnun

Halla valdi drapplitað fyrir þingsetninguna

Dóra Júlía Agnarsdóttir skrifar
Halla Tómasdóttir klæddist jakka frá Hjá Hrafnhildi við þingsetningu.
Halla Tómasdóttir klæddist jakka frá Hjá Hrafnhildi við þingsetningu. Vísir/Vilhelm

Halla Tómasdóttir forseti Íslands setti Alþingi í fyrsta sinn í dag. Mikil tilhlökkun ríkir gjarnan yfir klæðaburði embættismanna á þessum degi og valdi Halla að versla við Frú Hrafnhildi fyrir tilefnið.

Halla var klædd í drapplitaðan jakka frá merkinu ROFA úr versluninni Hjá Hrafnhildi og buxur í sömu litapallettu með gulan silkiklút við. 

Halla Tómasdóttir forseti og séra Guðrún Karls Helgudóttir biskup við þingsetningu.Vísir/Vilhelm

Í dag er einmitt hinn svokallaði guli dagur þar sem fólk er hvatt til þess að klæðast gulu til merkis um kærleika, aðgát og umhyggju en 10. september er alþjóðlegur forvarnardagur sjálfsvíga.

Halla er greinilega mjög hrifin af Hrafnhildi en hún var dugleg að klæðast fatnaði úr versluninni í kosningabaráttu sinni. Samkvæmt heimasíðu Hrafnhildar kostar jakkinn 39.980 krónur.

Fyrir innsetningarathöfnina klæddist Halla þó eftirminnilega sérsaumuðum hvítum kjól eftir Björgu Ingadóttur. 

Tíska og hönnun Alþingi Halla Tómasdóttir Forseti Íslands Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.