Lífið

Héldu skírnar­veislu á Hótel Borg

Svava Marín Óskarsdóttir skrifar
Inga Tinna og Logi héldu fallega skírnarveislu á Hotel Borg um helgina.
Inga Tinna og Logi héldu fallega skírnarveislu á Hotel Borg um helgina. Skjáskot

Inga Tinna Sigurðardóttir, stofnandi og framkvæmdarstýra Dineout, og Logi Geirsson fyrrum landsliðsmaður í handbolta og einkaþjálfari, gáfu dóttur sinni nafn við hátíðlega athöfn um helgina. Parið greindi frá gleðitíðindunum í færslu á Instagram.

Skírnin fór fram á Hótel Borg þar sem séra Guðni Már Harðarson stýrði athöfninni.

„Bella Eldon Logadóttir. Litla fallega blómarósin okkar fékk nafnið sitt við fallega athöfn í faðmi nánustu fjölskyldu og vina.

Séra Guðni Már Harðarson fjölskylduvinur skírði og Guðrún Árný flutti falleg lög.

Yndislegur og hamingjuríkur dagur 26.10.2024,“ skrifar Inga Tinna og deilir fallegum myndum frá deginum.

Inga Tinna og Logi fóru að stinga saman nefjum í upphafi ársins 2023. Bæði hafa getið sér góðs orðs innan sinna starfsgreina, Inga sem frumkvöðull á sviði hugbúnaðarlausna og Logi sem sérfræðingur í handbolta.

Stúlkan er fyrsta Ingu Tinnu en fyrir á Logi tvö börn.

Tímamót Barnalán

Tengdar fréttir

Logi Geirs og Inga Tinna eignuðust prinsessu

Inga Tinna Sigurðardóttir forstjóri Dineout, og Logi Geirsson handboltakappi hafa eignast dóttur. Stúlkan fæddist 25. júlí síðastliðinn, en parið greindi frá þessu á Instagram í dag í hjartnæmri færslu.

Inga Tinna og Logi Geirs nýtt stjörnupar

Inga Tinna Sigurðardóttir stofnandi og framkvæmdarstýra Dineout og Logi Geirsson fyrrum landsliðsmaður í handbolta og einkaþjálfari eru nýtt par.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.