Verður for­sætis­ráðherra Ír­lands á ný

Í kosningunum náði Fianna Fáil flestum mönnum inn á þing, eða 48 talsins, og hefur nú myndað stjórn með Fine Gael ásamt nokkrum óháðum þingmönnum.

Í frétt BBC segir að Sinn Féin verði áfram stærsti stjórnarandstöðuflokkurinn eftir að hafa tryggt sér 39 þingsæti. Fine Gael náði inn 38 þingmönnum.

Martin, sem gegndi embætti forsætisráðherra á árunum 2020 til 2022, og Harris tilkynntu fyrr í janúar að samkomulag hefði náðst um stjórnarmyndun og stjórnarsáttmála sem báðir flokkarnir hefðu samþykkt.

Fianna Fáil og Fine Gael höfðu báðir útilokað stjórnarsamstarf með Sinn Féin sem Mary Lou McDonald, leiðtogi flokksins, lýsti sem „slæmum starfsháttum“.

Nokkrar deilur hafa staðið í aðdraganda þingsetningarinnar eftir að einhverjir þeirra óháðu þingmanna sem styðja nýja stjórn óskuðu eftir því að sitja stjórnarandstöðumegin í þingsalnum og tala þaðan.